朋友

朋友我當你一世朋友

從前共你促膝把酒傾通宵都不夠,我有痛快過你有沒有,我係到聽緊呢首歌嘅時候,突然間好想寫D嘢同大家分享吓,有時我會覺得"朋友"呢2個字有D咩特別意思呢???點樣為知叫做朋友啦......有時我會覺得一班朋友裡面,一定有D人係自己特別喜歡同佢玩,有一D人係自己同佢冇咁投緣,這樣都係人之常情,因為這個叫做緣份嘛!

但係一班朋友裡面,一定會有好多意見同是非,我相信每一個人都會覺得係,我亦都相信每一個人都有講過人地嘅是非,當然我都有啦! he he , 但係是非都分好多種,有善意同惡意,但係我地成班朋友裡面,通常都係講嘅是非,都係屬於善意,但係可能這種是非,都會傷害到別人,而自己不知道,所以我想在此,向曾經俾傷害到嘅人講一聲" Sorry" !

有時候,可能有D人會覺得某D人好假,因為你地啱啱話完"某某",點解轉個頭有可以同呀"某某",扮冇嘢咁,可以咁 "Friend", 覺得佢地好假,所以我想係到同大家講吓,呢D唔係叫做假,唔通我話完佢之後
呢一世就要同佢絕交,試想一吓,朋友有做錯嘅時候,你自己亦都有做錯嘅時候,唔通真係為咗咁小嘅
事情,而冇咗一個朋友咩.

講真是非呢樣嘢,係唔會有停止嘅時候,但亦都好慶幸嘅係,我地呢一班朋友都唔會為咗咁嘅事情,而分開唔做朋友,但係可能這樣會形成大家心裡面,有種唔舒服嘅感覺,但係我想信時間係可以沖淡一切,曾經我地呢班朋友,都有試過低潮嘅時候,當時嘅環境,係可以用一盤"散沙"嚟形容我地,有人曾經講過點解會變成咁,我唔想大家變成咁樣,大家不如出嚟傾吓啦!當時,我好記得有好幾個人,都同一時間講,出嚟傾都係冇用呀,遲D啦,時間係可以沖淡一切,講得好啱,好朋友係唔需要日日見面同聯絡,當大家嘅感覺返嚟嘅時候,自自然然就會走番埋一齊.

好似而家咁,可能有好多人都覺得,係番埋一齊嘅時候,點都唔同咗以前嘅感覺,但係大家試想一吓,每一個人都有環境嘅因素同埋改變嘅時候,有好多嘢都唔可以同大家想像中嘅一樣,但大家都曾經去嘗試做好的話,已經係一個好嘅開始,好似而家咁,我地成班人有一個網站,嚟俾大家講出自己嘅心聲,
等大家有一種交流,係呢到我地亦都要多謝提出這個主意,個位"靚仔"啦!

其實,我地呢班朋友裡面,有大部份嘅朋友,大大話話都識咗起碼 十年,有D總唔止呀,讀完書之後,總成日一齊出嚟玩,真係好難得嘅一件事嚟,同埋我深信呢班朋友裡面,如果是但一個有事的話,其他人都一定義不容辭地去幫手,因為大家都知道呢一班朋友,都係值得珍惜嘅朋友,大家諗吓,如果冇咗呢班朋友,人生係唔係冇咗好多歡笑呢,例如會冇咗貞子表現吹頭喎,某某係屎塔洗頭呀,總有最精彩緊係我地嘅傻恆表現跳舞啦..................寫完呢篇嘢之後,我得嚟嘅結果就係,朋友呢2個字,係要大家一齊經歷過,快樂嘅時代,同埋低潮嘅時候,個D先係你真正嘅好朋友,以上所寫嘅嘢,只係我個人感受,希望大家唔好見怪啦!!!