Crying In The Party By Eason

近期蠻愛聽的一首歌...Eason"Crying In The Party"

熱播的歌 忽爾靜了 場邊 一聲慘叫
好友都靠近了 你沒有被忘掉
觀眾 預了分擔惡兆

大喝三杯 失控地笑 孩子 終於哭了
空氣的震盪裡 你沒說但心照
某個事情大概 不妙了

因一個人痛哭 哭崩派對舞曲
我也曾像這樣 青春大概相似
總有段情 落入這種 困局

或有一天 當你大了 城府 開始深了
年輕的眼淚流光了 便掛念曾經這樣了

讓你哭泣 哭到倦了 重整 呼吸心跳
哭過吵過鬧過 你為愛做足了
再接下來就要 收拾了

因一個人痛哭 哭崩派對舞曲
我也曾像這樣 青春大概相似
總有段情 落入這種 困局


"或有一天 當你大了 城府 開始深了

年輕的眼淚流光了 便掛念曾經這樣了"

是 所有熱情會乾掉

一發現已經 成熟了

意見調查

因為有啲朋友已表明咗唔想去水上樂園(我會繼續攪水上樂園)，但我又好想攪啲活動同大家高興一下~

所有希望大家比啲意見想去邊？

如去camp、ship party、short travel、gathering dinner.....etc

P.S 希望大家見到我咁有心去攪活動之際，會比返個feedback我。　謝！

打破靜局，由"濕身"開始

大家熱死咗未呀？　

夏天越來越熱，係屋企日日開冷氣都唔掂....

咁掂算呢？

如果你係就快熱死，咁你就好彩喇！　因為我會打救你^^

小裕打算攪個"長隆水上樂園之旅"，希望大家可以一齊濕濕身消消暑，好嗎？　



今日我拎咗啲資料返屋企睇，價錢大概由$300至$700蚊，而$700蚊嗰個當然係豪華團啦！　

成$700蚊你估住邊？　係香格里拉大酒店喎！

當然大家可以唔哂咁豪，所以如果有興趣去，就大家商量一吓！　

要去消暑？　　

快啲報名啦！　截止日期為8月31日　

你像誰？

大家也來試一試，試完後，他會 provide 一些 html code 給你 ( 選擇 other 那個 code ) 之後，你把那些 code send 給我，我再續一幫大家放上 blog，當然如果你自己會放上 blog 就最好不過了。

我的願望

Mcome 差不多踏入一年了, 不知道大家在這一年過得如何呢？

見Mcome快生日就和大家輕輕的回顧一下吧！

大家還記得第一篇文嗎？　再看好像過了很久，不止一年！　
那時候，我們都很迫切的post文，而且還每晚都聚在此處聊，那時候這裡真是我們的平台．

一個月後，文減少了，而且到Mcome看或留言的人也少了，不過當中也見一些朋友努力過，希望把Mcome復興．

直到現在, 雖然文已沒有了，但大家好像找到Mcome的新方向，就是把他作為我們的公佈事情的平台，這個當然是我自己的觀點．

你們還記得當日選擇"月經”此名的意思嗎？　
作者亞飛就是想大家一個月能最少到一次留言或寫文．　你有實踐嗎？

另外，大家有沒有發現Mcome的常客也就是平常打電話約會人的那幾個呢？　哈哈......這個可能是關性格問題吧！　

說我煩都要說多次或說多幾次，希望大家有時間都來留言或寫一下文章吧！ 一年裡你總有時間的對吧！　要不然，我們大家都樂意做做家訪問候一下你的近況，看看你是否真的忙足一年......哈哈!



在吹蠟燭前我先許願 : [ 希望大家都快樂，身體健康和大家多點到Mcome ]



過去一年這裡是我們的分享平台，在未來的日子，他都依然是，並且一年又一年的記下我們曾經留過的寶貴腳印．

復活節 bbq活動

經友們,嚟緊4月有幾日紅色假期喎,大家開始安排咗活動未呀?本人有個提議,就係趁住未算好熱,不如大家嚟過bbq活動,好唔好,如果可以嘅話,不如下午開始,大家可以帶埋小朋友去玩,同埋可以享受吓日光浴,不過如有朋友們要返工唔緊要,我地可以遲小小先去,等埋你地,或我地早小小去買定嘢食..............

日期我想定係4月6號,大家睇吓有冇問題,但地點尚未決定,睇吓大家想自助燒烤,定係自己買嘢食去燒........
本人就想自己買嘢食去燒,比較好味d,同埋多d款式選擇,如果自己買嘢食去燒,大家就要幫吓手買嘢啦!請各經友們盡快回覆6號有冇問題,如有問題,就睇吓大家邊日比較方便..........再作決定!

籌備mcome一週年紀念

4月1日這個大日子, 經友們無理由唔記得既...係咪呀??? 現暫定將於3月31日(星期六), 為月經一歲生日慶祝, 所有經友請盡快在3月22日前答覆, 亦麻煩大家幫忙左提右提其他人回覆或代答! 野食方面, 如果每一pairs整一款野食, 大家有無問題? 定係想要外賣? 大家有咩意見都可以提供架, 最終答案就等你地回覆既成果啦!
當日大家可以傾討月經有什麼可以改進, 及怎樣可以令經友或其他人多些上"月經", 希望大家提供多些意見!
地點: 暫定於"勞斯"屋企
時間: 晚上7:30分開始

p.s.: 如有朋友可早點幫忙打點, 請自動報名, 有待安排!!!tks ^o^

大蛇咬啫啫!

大家好! 你地係咪好掛住我呢? :p

你地唔好咁心急睇片住, 睇完我個幾隻字先啦! (不過我估你的一見個title就等唔切...) 冇呀! 見到條film幾好笑, 所以post上o黎share比大家囉~

啊! 重有呀! 過多個幾月就係mcome一歲生日喇! 我地大家會唔會出o黎聚聚興祝下呢?
你地邊個興趣參加MCOME'S BIRTHDAY PARTY就個言啦!

就過年喇! 先同大家講聲: 祝大家生活愉快同身體健康.(記得比多d利是我呀!)

PuppetShow
Uploaded by sportingboy

本月之星: 游游 & 苦榮

先幾日跟勞斯&游游溝通過, 想問吓大家如果1月28号, 同游游&苦榮(好似從來都無人噤叫過佢…但噤個blog係噤稱呼佢麻~~)　一齊做生日, 唔知大家得唔得呢? 其中1個主角游游就話ok, 苦榮你又點呀?　ok嗎? 經友們請在此儘早回覆及留言! ^_^

活動: 日間, 添馬艦環球嘉年華．　 夜間, 晚飯宵夜直落．

聖誕節

今天沒是做, 約了木偶去午餐。


小裕:「喂! 哩到呀!」

木偶:「到咗好耐呀?」

小裕:「一陣喇!」

木偶:「做乜約我出o黎呀!」

小裕:「要有事先可以約你出o黎咩!...你近期點呀!」

木偶:「冇呀! 咪右係咁....你呢! 就o黎聖誕節教會係咪好忙呀!」

小裕:「都ok啦! 要練吓詩準備平安夜, 同去報街音, 啊! 重有25號有朋友受浸, 真感恩!」

木偶:「你地信教嘅人真係多野攪...」

小裕:「唔係多野攪, 係事獻!」

木偶:「是旦啦! 哈哈....」

小裕:「咁! 你又有乜野忙呀!」

木偶:「嘩! 多囉...上網寫吓blog啦, 打機啦, 約吓女友出街啦....好多好多節目。」

小裕:「依...乜係平時冇寫blog, 乜你平時冇打機, 乜你平時冇機會約你女友出去行街睇戲食飯咩!」

木偶:「....係咁架啦, 年年都係咁, 如果唔係有咩做喎! 其實我都越來越怕聖誕節喇, 好悶!」

小裕:「有冇諗過比個機會自己, 過一個唔同嘅聖誕節呀?」

木偶:「....有乜做先, 你唔係叫我同你一齊返教會呀? 你真係咪攪我....」

小裕:「有冇諗過比個機會比自己先? 而且我相信你未試個過真正嘅聖誕節。」

木偶:「.......」


『完』


上述的對話已結束了, 現在就由我問你:「有冇諗住比機自己先? 如果你想去體驗一下咩野係真正嘅快樂聖誕,你就留言比我,願主神福您!」

邦芝之世紀婚禮後的小插曲

我地全體經友祝你倆新婚快樂, 永遠幸福愉快!!!

過去 現在

今日去了 PBase 看到一些舊照片, 除即有點感慨, 好像很多好玩的時候已經過去, 有時候也會問問自己是否讓自己太多的枷鎖, 但答案是「不」。因為自問自己不是一個有好榜樣的基督徒。

前幾天約了 Tim 食飯才發現我們真的很久沒有聊過, 可能是現在我們已欠缺了食煙和飲酒的時間。 一段友誼是否要有共同的習慣才能維持呢? 有時候真的很無奈, 雖然我知道大家都沒有心事, 只是一些習慣不同了, 但事實上這樣的轉變令我感到和身邊的朋友少了聯絡。

我又會問問自己那個我比較好, 是過去的我好, 定還是今天的我好?

我的答案是「兩個都好」, 因為兩個都是我。
假如昨日的我是一個有憂鬱症的人, 那麼今天的我已經健復了。 沒有過去的我就沒有今天的我, 就好像有一些朋友往時常常看到我醉後哭, 那麼, 如果不是昨日的我已過去, 可能今天的我依然是在哭, 甚至會比昨日哭得更慘。

這樣看來對自己當然是好, 但我從來沒有去想過身邊朋友的感受, 直到今日。

我是否自私了? 對不起!

"譚魚頭"勁唔掂,下次試"新星"

嘩嘩嘩8月19呢個"大日子"終於玩完啦,我地一行19人去"譚魚頭",諗住唱吓歌先,點知買錯碟,冇得唱,唱唔到都算啦,咁我地不如話打吓麻雀啦....諗住等齊人先開始"劈"啦,點知佢話冇麻雀打喎,簡直想死呀,唯有開始飲啦,我地見到咁小人,不如玩吓"789"2個人一part,我猜輸咗竟然同"散尾以南"一組呀,諗住死梗啦,一定飲死啦,點知有1組衰過我地,係咁輸,係咁飲,反而我地唔係飲好多(*.*),我睇嚟"散尾以南"個名要俾佢地啦,敏芝你終於可以榮休,唔使再用呢個名,(haha),玩咗一陣冇幾耐,d人差唔多嚟齊,我地開始點嘢食啦,又開始溝酒啦,一打開買酒個袋嚟睇,嘩.........勁呀我地買咗一枝2公升大嘅"芝華士"總有一枝"黑牌",我地之前總買咗2枝紅酒,玩咗一陣到就開始埋位食嘢,講真"譚魚頭"呢間嘢真係冇咩嘢食,係完住唔好食呀(個人認為)個晚大家只係食咗一陣就冇咩點食啦,因為大家都覺得唔好食呀,冇嘢食緊係開始有"劈"啦,玩到最開心個時,佢竟然熄咗冷氣喎,佢話佢地夠鐘關門,所以要關冷氣,但佢地之前同我地講係12點先關門,但個時只係11點多,簡直係逼我地走呀,你話係唔係勁唔掂呀,所以我地已經決定以後都唔會再嚟呀,但原來總有枝"黑牌"未開喎,唯有帶走啦,之後大家去咗揼骨,唔知個晚有邊個係"wing"啦,我見到有個係咁嘔喎,唔知佢醉咪啦....

揼完骨第2日我地成班又去咗飲茶,呢間飲茶嘅地方幾好喎,有間房俾我地,分開2張枱,我地坐個張枱,食剩好多嘢,唯有我地有份坐個張枱d人猜埋去啦,點知肥仔個表哥好強勁,一個人輸勁多次,佢竟然一個人食起埋2碗飯+2碗米粉,再+其他點心,簡直睇到都飽呀..........

差唔多走個時,廖生突然問不如攞埋枝"黑牌"出嚟飲啦,因為我地唔知可唔可以帶番落香港喎,咁我地又開始又嚟劈,因為得番大嘅10個人到,初頭大家話飲小小啦,點知玩吓玩吓玩哂成枝呀,赿玩赿開心,簡直癲哂咁玩,個個都話下午我地就開始飲勁癲呀,飲完之後大家走個時,覺得勁唔夠喉,所以大家決定好快再嚟多次呀,但我地會嚟呢個新地方,因為只小有麻雀打呀,間房又夠靚喎,總括嚟講今次都玩得好開心,美中不足係間"譚魚頭"我地以後都唔會再去啦,唔知呢個新地方下次去個時會唔會有d咩comment啦,但點都好我諗我地都會好快再嚟試呀...

今次都幾好玩,有買咗好多靚衫喎(多謝珊珊帶我去),不過我真係好累,睇嚟真係要抖抖呀.......

譚魚頭之夜

Updated on 8/19 and inserted Tam Yu Tau address shown as below. You can double click the picture and print out for your reference.



各位經友~我們將於8月19日去深圳譚魚頭月經湯底之夜(蕃茄湯底), 亦係我們既經友之一"夢妮"大壽之日, 到時請夢妮自隊一鍋月經湯底, 以表對月經之忠心...嘻嘻...
現在要大家確實是否出席, 因為要頂房及預留食物, 請大家在今個星期五內盡快報名(一定要星期五前覆實), 如有伴侶者可待答覆, 及可幫忙一些沒時間回覆者待答, 煩請合作!

p.s. 午餐肉,蟹柳或自己特別喜好之食物, 請大家自備啦...呵呵!

相聚一刻 (真人版)

相聚一刻的女主角音無響子已經有人選了, 但五代裕作還在招募中, 我猜他們是等我....回去.....

媽呀!
我要去日本尋回真正的我呀~

Please subscribe me !!

今天加了一個訂閱我們blog的system名為 Feedblitz

當有新的文章時, 它能夠通知一些訂閱了我們blog的朋友去看。



現在訂閱了的, 只有勞斯和我二人, 勞斯是用blogger本身的自行訂閱, 而我是用這個system幫我訂閱. 我相信這服務會為大家帶來大大的方便, 雖然我經常留守在blog中, 但我也訂閱了, 因為我很想看到最新的文章。

如果大家有留意的話應該也看到sidebar的最底部有個
它可顯示有少人訂閱了。


訂閱方法

只要在 Subscribe Mcome 按入你的電郵地址, 然後會收到一個電郵是確定你的地址, 如上述無誤這樣就已經成功訂閱了。

十萬個為什麼之為什麼要溝?

中國人發明威士忌加綠茶, 蘇格蘭人怎麼看？

我聽說在蘇格蘭或國外喝威士忌從沒有兌其他飲料的喝法，最多也是加點冰而已！而且他們對我們威士忌兌綠茶更是覺得可笑，是不是我們這邊的喝法有點被人誤導了呢？

一直以來都知道酒是易肥的, 但我從沒想到綠茶都是肥, 在這雙肥而又混合一起飲的芝華士加綠茶, 你猜在狂飲的情況下, 你一晚能增加多少磅?

近年被奉為健康飲品，甚至是減肥良方的綠茶大受歡迎，但消費者委員會測試發現，市面上部分樽裝綠茶比汽水更肥﹗消委會測試市面30款樽裝綠茶樣本，發現一樽「統一冰綠茶」含有9茶匙糖，熱量比一罐可樂還高。你說愛溝綠茶的你不肥就怪了。

我從未喜歡過飲芝華士溝綠茶, 除了味道怪怪外, 更不明白為什麼要溝呢?

大概是過不到自己那一關吧! 因為沒有理由讓我喜歡它。

而為什麼威士忌要加綠茶, 只有用家才知道。

是因為好飲? 是因為人溝我又溝? 是因為已被視為流行的一種? 是因為沒有別的飲料選擇?

白日夢

白日夢可以一起做......

下面的留言是我和游游今天下午在MSN的對話, 有興趣的你, 也可加入我們, 一同做個白日夢和想一想那裡有適合的地方可以...............

游游 says:
如果冇咁熱呢

游游 says:
我地去燒嘢食

游游 says:
好耐未試過醃嘢食去燒

小裕 says:
我想有車(唔係我開), o向個garden到BBQ(用夾個隻)同飲白酒(要香檳杯)

小裕 says:
同唔著鞋

游游 says:
呢個主意真係唔差,飲吓白酒,燒吓嘢食

小裕 says:
踏草地

游游 says:
簡直係正

游游 says:
總要係下午開始

小裕 says:
可以嗎

小裕 says:
係

小裕 says:
嘩

小裕 says:
諗起都正

游游 says:
到時睇吓有邊個去啦

游游 says:
係喎

游游 says:
最正一路燒,一路飲白酒

小裕 says:
同唔著鞋踏住草地....好好FEEL呀~~

游游 says:
咁邊到有呢d地方呢?

小裕 says:
???

游游 says:
唔著鞋踏住草地

小裕 says:
西貢有d地方比較清潔....你話可唔可以?

游游 says:
我唔知邊到有

追加的街頭 Podcast

Podcast 內容:

獨家採訪了伊娃的近況



powered by ODEO

小裕的首次開腔

Podcast 內容:

1, 解釋 "寶刀未老"
2, 我的一些感謝



powered by ODEO