經友們,嚟緊4月有幾日紅色假期喎,大家開始安排咗活動未呀?本人有個提議,就係趁住未算好熱,不如大家嚟過bbq活動,好唔好,如果可以嘅話,不如下午開始,大家可以帶埋小朋友去玩,同埋可以享受吓日光浴,不過如有朋友們要返工唔緊要,我地可以遲小小先去,等埋你地,或我地早小小去買定嘢食..............
日期我想定係4月6號,大家睇吓有冇問題,但地點尚未決定,睇吓大家想自助燒烤,定係自己買嘢食去燒........
本人就想自己買嘢食去燒,比較好味d,同埋多d款式選擇,如果自己買嘢食去燒,大家就要幫吓手買嘢啦!請各經友們盡快回覆6號有冇問題,如有問題,就睇吓大家邊日比較方便..........再作決定!
4 comments:
唔好意思...我地唔得,因為我已經買咗飛去昂坪360,而且,我地7號都BBQ,所以,唔洗預我地啦,你地玩得開心啲啦~~
我同亞飛當然無問題啦,或者會帶埋熹熹添啦,自己整野食都好(因為我地既手勢咁好..嘻嘻)...地點方面我提議"大尾篤",因為個度地方夠大,大小朋友都有地方走o下玩o下,再唔係北譚涌回旋處都好..hehe..唔知我個情人仔去唔去呢???^o^
我同eva應該都ok,我提意十八鄉,因為地方大,而且好近海.
我地都無問題...
芝士, 你帶唔帶個女去呀? 我想帶Coby姨姨去呀~~ 好似好開心噤~~ ^_^
Post a Comment